ل سالا 37 هـ. ل صفینێ ژ بوونا هلێخستنا ههڤال و هووگرێن خوه ژ جهادێ را ئاخفتیه:
کووما زرهداران پێش بێخن و بێ زرها پاشڤه دهینن، ددانا سهرههڤدا بشدینن چکو ئهڤ کار، شمشیران ژ سهری یان دوورتر دکێ، ل بهرابهرێ رمان دا پێچا بدن خوه چکو ئهو کار، شمتینێ چێدکێ و زهرهرا وێ کێمتر دکێ، چاڤێ خوه بهرهو خار بکن (ب شکلێ نیڤ نوقاندی) چکو ئهڤ کار مێرباشی یێ زێده دکێ و دلان رحهت تر دکێ، دهنگا نزم بکن و بطهمرینن چکو ئهو سستی و شکهستنێ پاشڤه ددێ. بێرهقا خوه خوههر نهکن [راست بهێلن] و دوورا وێ ڤاله نههێلن و خێنجی ژ مێرباشێن خوه، ئهوێ نهدن دهس کهسهک دی، ئهو مێرباشێن کو ئلهھ بهرهڤانی یێ دکن ژ وێ یا بهرهڤانی ژێرا پێ دڤێ. چكو ئهوێن دهما نهخوهشی و بهلا سهر وان دا تێ، خوه رادگرن و صهبر دکن ئهون ل دوورا بێرهقێ تێن ههڤ و ژ پشتڤه و ژ پێشڤه و ژ راست و چهپێ وێ ڤه ئهوێ دپارێزن، نه ژ وێ پاشڤه دمینن کو بێخن دهستێ دوژمن دا، نه ژێ پێش وێ دکهڤن کو ئهوێ تنێ بهێلن. لازمه ههر یێک جهزایێ وی یێ ل بهرابهرێ خوه دا بدیێ و ئاریکاری یا برایێ خوه ژی بکێ، نه کو ئهوێ ل بهرابهرێ خوه دا ژ برایێ خوه را بهێلێ، دا ڤێجا دو کهس بکهڤن بهرابهرێ وی دا؛ ههم ئهوێ لبهرابهرێ وی دا و ههم ژی ئهوێ ل بهرابهرێ برایێ وی دا.
صووند بخودێ ئهگهر هوون ژ بهر شمشیرێ دنیایێ برهڤن ژی، هوون ژ بهر شمشیرێ ئاخرهتێ ب سهلامهت نامینن. هوون سهروهر و مهزنێن عهرهبان و سهرپێشێن مهزنین؛ رهڤین، سهبهبێ غهزهبا خودێ یه و زهلیلی پێڤه تێ و شهرم و عارا وێ ههر دمینێ. راستی ئهڤه کو ئهوێ ژ مهیدانا شهر درهڤێ سهر عهمرێ ویڤه زێده نابێ و رهڤین نابێ پێشی گر ژ مرنا وی، کهسێ کو ب ئالیێ خودێڤه دچێ وهک وی یه ئهوێ تێهنی كو ڤێجا بگهێ ئاڤێ. بهشت ل بن سیبهرا رمان دا یه، ئیرو تشتا د دل دا وێ ئهشکهره ببێ، صووند بخودێ کو شهوقا من ژ بوونا شهرێ دگهل وان ژ شهوقا وان بو چوونا مالا وان پتره. ئهی خودا! ئهگهر حهقی یێ قهبوول نهکن تو کووما وان ژ ههڤ بلاڤ بکه و ئختلافێ بێخه ناڤ وان و ئهوان ژ بهر گونهھـ و خهلهتی یێن وان تهلهف بکه و ژ ناڤ ببه. ئهو ژ باوهر و کریارێن خوه ڤهنابن نهحهتا دهربێن لپهی ههڤ یێن رمان بهدهنا وان کون بکێ، ب ئاوایهک وهرهنگ کو ههوا د وان کونا را دهرباز ببێ؛ و سهرێ وان بشهقتێنێ و ههستی یێن وان هویر ببن و دهست و پیێ وان ل وان دوور و بهران بلاڤ ببن و کووما لهشکهران دهست و دهستو لپهی ههڤ ئهوا بپهرچقینن و صوار ژ ههمی ئالیا ڤه هجوومێ بینن سهر وان و لهشکهرێن گران بهرهو باژارێ وان بکهڤن رێ و سهراسهرێ وهلاتێ وان لبن پیێ دهوارا دا بهێلن و چێرینگههێن وان بگرن.
سهیدێ رهزی ل دووماهیکا ڤێ ئاخفتنێ دا هنهک کهلیمێن گران شرووڤه دکێ، کو مه ل مهعنا وێ یا کوردی دا ئانی.