ژ والی یێ خوه یێ «ئهردهشیر خورره»، مهصقهلهیێ کورێ هوبهیرهیێ شهیبانی را نڤیسیه:
خهبهرهک ژ ته گههشتیه من، ئهگه ته وه کر بێ، ته خودایێ خوه ئانیه غهزهبێ و نهگوهداری یا ئمامێ خوه کریه؛ ته غهنیمهتا موسلمانا کو بهێزا ڕم و ههسپێن وان بهرههڤ بوویی و خوونا وان لسهر وێ هاتی رژاندن، ل کوومهک ژ قهومێ خوه، کو تو ژ خوهره بژارتنه (تهقسیم كرنه). صووند ب وی یێ طووڤ کهلاشتی و جاندار ئافراندین، ئهگهر ئهڤ گووتن راست بێ، ته قیمهتێ خوه ل نک من کێم کریه و ته میزان و تهرازوویا پێ باوهری یا من بخوه سڤک کریه. ڤێجا تو حهقێ خودایێ خوه سڤک و رحهت نهگره و پێ ژ ناڤ برنا دینێ خوه دنیا خوه ئاڤا نهکه؛ دا تو ببی ژ وا کهسان کو ژ نهزهر کریار و عهمهل ڤه خوسریی.
ئاگاھ به، راستی ئهڤه کو حهقێ ئهوا موسلمانێن لبال ته و ئهوێن لبال مه د ڤێ غهنیمهتێدا بهرابهره. ژ گرتنا حهقێ خوه ره تێن بال من و دهما گرتن، دزڤرن.