د امام علی عليه السلام لنډې ويناوې (11-20) حکمت 11 : (له دښمن سره د سلوک طریقه) وَ قَالَ [عليه السلام] إِذَا قَدَرْتَ عَلَى عَدُوِّكَ فَاجْعَلِ الْعَفْوَ عَنْهُ شُكْراً لِلْقُدْرَةِ عَلَيْهِ . او د خدای سلام دې وي پر هغه ويې فرمایل: که په دښمن لاسبری شوې دهغه بخښل د خپل بري شکرانه وګرځوه. حکمت 12 : (ددوست موندلو طریقه) وَ قَالَ [عليه السلام] أَعْجَزُ النَّاسِ مَنْ عَجَزَ عَنِ اكْتِسَابِ الْإِخْوَانِ وَ أَعْجَزُ مِنْهُ مَنْ ضَيَّعَ مَنْ ظَفِرَ بِهِ مِنْهُمْ . او د خدای سلام دې وي پر هغه ويې فرمایل: تر ټولو بې وسه کس هغه دی چې د ملګري په پیدا کولو کې بې وسه وي او ترهغه ناتوانه هغه دی چې شته دوستان له لاسه ورکړي. حکمت 13 : (له نعمتونو د استفادې طریقه) وَ قَالَ [عليه السلام] إِذَا وَصَلَتْ إِلَيْكُمْ أَطْرَافُ النِّعَمِ فَلَا تُنَفِّرُوا أَقْصَاهَا بِقِلَّةِ الشُّكْرِ . او د خدای سلام دې وي پر هغه ويې فرمایل: کله چې دخدای د نعمتونو نښې ښکاره شوې ، په ناشکرۍ سره لورینې له ځانه مه لیرې کوئ. حکمت 14 : (له خپلوانو سره د سلوک روده) وَ قَالَ [عليه السلام] مَنْ ضَيَّعَهُ الْأَقْرَبُ أُتِيحَ لَهُ الْأَبْعَدُ . او د خدای سلام دې وي پر هغه ويې فرمایل: هغه کس چې خپلوان یې پریږدي پردي یې خپل کړي. حکمت 15 : (له غولیدلو کسانو سره د سلوک روده) وَ قَالَ [عليه السلام] مَا كُلُّ مَفْتُونٍ يُعَاتَبُ . او د خدای سلام دې وي پر هغه ويې فرمایل: هر غولیدلی کس نه شې رټلی. حکمت 16 : ( د جبر او اختیار د مقام پیژندل) وَ قَالَ [عليه السلام] تَذِلُّ الْأُمُورُ لِلْمَقَادِيرِ حَتَّى يَكُونَ الْحَتْفُ فِى التَّدْبِيرِ . او د خدای سلام دې وي پر هغه ويې فرمایل: چارې داسې د تقدیر په ولکه کې دی چې چاره کول د مرګ سبب کیږي. حکمت 17 : (د ویښتو د رنګولو ضرورت) وَ سُئِلَ [عليه السلام] عَنْ قَوْلِ الرَّسُولِ ص غَيِّرُوا الشَّيْبَ وَ لَا تَشَبَّهُوا بِالْيَهُودِ فَقَالَ ع إِنَّمَا قَالَ ص ذَلِكَ وَ الدِّينُ قُلٌّ فَأَمَّا الْآنَ وَ قَدِ اتَّسَعَ نِطَاقُهُ وَ ضَرَبَ بِجِرَانِهِ فَامْرُؤٌ وَ مَا اخْتَارَ . او د خدای سلام دې وي پر هغه ويې فرمایل: له حضرت علي یې وپوښتل چې دخدای رسول(ص) فرمایلې دی چې ویښتان رنګ کړئ او ځانونه د یهودیانو په شان مه جوړوئ د دې مطلب څه دی؟، وې فرمایل): پیغمبر دا خبره په هغه زمانه کې وکړه چې د اسلام منونکي کم وو خو نن چې اسلام پراختیا موندلې او اسلامي نظام په پښو دریدلی دی هر څوک چې څنګه یې زړه غواړي ودې یې کړي. حکمت 18 : (له جنګه د تیښتې سپیرې پایلې) وَ قَالَ [عليه السلام] فِى الَّذِينَ اعْتَزَلُوا الْقِتَالَ مَعَهُ خَذَلُوا الْحَقَّ وَ لَمْ يَنْصُرُوا الْبَاطِلَ . او د خدای سلام دې وي پر هغه ويې فرمایل: «د هغو کسانو په هکله یې چې له جنګه څنډې ته شول» حق یې خوار کړ د باطل مرسته یې هم ونه کړه. حکمت 19 : (د نفس د لاروۍ پایله) وَ قَالَ [عليه السلام] مَنْ جَرَى فِى عِنَان أَمَلِهِ عَثَرَ بِأَجَلِهِ . او د خدای سلام دې وي پر هغه ويې فرمایل: څوک چې په خپلو ارمانونو پسې لاړ شي مرګ یې له مینځه یوسي. حکمت 20 : (له ځوانمردانو سره سلوک) وَ قَالَ [عليه السلام] أَقِيلُوا ذَوِى الْمُرُوءَاتِ عَثَرَاتِهِمْ فَمَا يَعْثُرُ مِنْهُمْ عَاثِرٌ إِلَّا وَ يَدُ اللَّهِ بِيَدِهِ يَرْفَعُهُ . او د خدای سلام دې وي پر هغه ويې فرمایل: د ځوانمردانو له تیروتنو تیر شئ ځکه چې ځوانمرد نه ښوییږي مګر دا چې د خدای مرستندویه لاس یې راوچت کړي.