د امام علی عليه السلام لنډې ويناوې (51-59) حکمت 51 : (طاقت او عیب پوشي) وَ قَالَ [عليه السلام] عَيْبُكَ مَسْتُورٌ مَا أَسْعَدَكَ جَدُّكَ . او د خدای سلام دې وي پر هغه ويې فرمایل: ستا عیبونه تر هغې چې زمانه له تاسره غږمله وی پټ دي. حکمت 52 : (له ماته خوړلو سره سلوک) وَ قَالَ [عليه السلام] أَوْلَى النَّاسِ بِالْعَفْوِ أَقْدَرُهُمْ عَلَى الْعُقُوبَةِ . او د خدای سلام دې وي پر هغه ويې فرمایل: په تاسو کې د عفوې او بخښلو لپاره تر ټولو وړ کس هغه دی چې د سزا ورکولو ډیر قدرت ولري. حکمت 53 : (سخاوت او ښندنه) وَ قَالَ [عليه السلام] السَّخَاءُ مَا كَانَ ابْتِدَاءً فَأَمَّا مَا كَانَ عَنْ مَسْأَلَةٍ فَحَيَاءٌ وَ تَذَمُّمٌ . او د خدای سلام دې وي پر هغه ويې فرمایل: سخاوت دا دی چې ته یې پیل کړې ځکه هغه څه چې له غوښتنې وروسته ورکړل شي یا د شرم له مخې دي یا د ناخوښې خبرې د اوریدلو له ویرې. حکمت 54 : (اخلاقي ارزښتونه) وَ قَالَ [عليه السلام] لَا غِنَى كَالْعَقْلِ وَ لَا فَقْرَ كَالْجَهْلِ وَ لَا مِيرَاثَ كَالْأَدَبِ وَ لَا ظَهِيرَ كَالْمُشَاوَرَةِ . او د خدای سلام دې وي پر هغه ويې فرمایل: د عقل په شان هیڅ دولت او د ناپوهۍ په شان هیڅ فقر نیشته، د ادب په شان هیڅ میراث او د مشورې په شان هیڅ ملاتړی نیشته. حکمت 55 : (د صبر ډولونه) وَ قَالَ [عليه السلام] الصَّبْرُ صَبْرَانِ صَبْرٌ عَلَى مَا تَكْرَهُ وَ صَبْرٌ عَمَّا تُحِبُّ . او د خدای سلام دې وي پر هغه ويې فرمایل: صبر په دوه ډوله دی : په هغه څه صبر چې خوښ دې نه دي او له هغه څه صبر چې خوښ دې دي. حکمت 56 : (بیوزلی او یوازیتوب) وَ قَالَ [عليه السلام] الْغِنَى فِى الْغُرْبَةِ وَطَنٌ وَ الْفَقْرُ فِى الْوَطَنِ غُرْبَةٌ . او د خدای سلام دې وي پر هغه ويې فرمایل: په پردیسۍ کې شتمني داسې ده لکه چې په وطن کې وې او په وطن کې بیوزلي داسې ده لکه چې په غربت او بیوزلۍ کې وې. حکمت 57 : (د قناعت ارزښت) وَ قَالَ [عليه السلام] الْقَنَاعَةُ مَالٌ لَا يَنْفَدُ . او د خدای سلام دې وي پر هغه ويې فرمایل: قناعت نه ختمیدونکې شتمني ده. حکمت 58 : (مال اوشهوت) وَ قَالَ [عليه السلام] الْمَالُ مَادَّةُ الشَّهَوَاتِ . او د خدای سلام دې وي پر هغه ويې فرمایل: دولت د شهوت جرړه ده. حکمت 59 : (په غلطیو خبرداری ورکول) وَ قَالَ [عليه السلام] مَنْ حَذَّرَكَ كَمَنْ بَشَّرَكَ . او د خدای سلام دې وي پر هغه ويې فرمایل: هغه کس چې تاته خبرداری درکړي داسې دی لکه چې تا ته یې زیری درکړی دی.