خطبہ ۱۳۱

دنیا آخرت اپنی باگ ڈور اللہ کو سونپے ہوئے اس کے زیر فرمان ہے اور آسمان و زمین نے اپنی کنجیاں اس کے آگے ڈال دی ہیں اور تروتازہ و شاداب درخت صبح و شام اس کے آگے سر بسجود ہیں اور اپنی شاخوں سے چمکتی ہوئی آگے ( کے شعلے) بھڑکاتے ہیں اور اس کے حکم سے (پھل پھول) کر پکے ہوئے میوؤں ( کی ڈالیاں) پیش کرتے ہیں ،

اسی خطبہ کا ایک جزیہ ہے ۔ اللہ کی کتاب تمہارے جسامنے اس طرح (کھل کر ) بولنے والی ہے کہ اس کی زبان کہیں لڑکھڑاتی نہیں اور ایسا گھر ہے جس کے کھمبے سر نگوں نہیں ہوتے اور ایسی عزت ہے کہ اس کے معاون شکست نہیں کھاتے:۔

اسی خطبہ کے ذیل میں فرمایا۔ اللہ نے آپ کو اس وقت بھیجا جب کہ رسولوں کی بعثت کا سلسلہ رکا پڑا تھااور لوگوں میں جتنے منہ تھے ۔ اتنی باتیں تھیں ۔ چنانچہ آپ کو سب رسولوں سے آخر میں بھیجا اور آپ کے ذریعہ سے وحی کا سلسلہ ختم کیا آپ نے اللہ راہ میں ان لوگوں سے جہاد کیا جو اس سے پیٹھے پھرائے ہوئے تھے اور دوسروں کو اس کا ہمسر ٹھہرا رہے تھے :۔

اسی خطبہ کا ایک جزیہ ہے ۔ (دل کے ) اندھے کا منتہائے نظر یہی دنیا ہوتی ہے کہ اسے اس کے سوا کچھ نظر نہیں آتا اور نظر رکھنے والے کی نگاہیں اس سے پار چلی جاتی ہیں اور وہ اس امر کا یقین رکھتا ہے کہ اس کے بعد بھی ایک گھر ہے نگاہ رکھنے والا اس سے نکلنا چاہتا ہے اور اندھا اسی پر نظریں جمائے رہتا ہے با بصیرت اس سے (آخرت کے لیے ) زاد حاصل کرتا ہے اور بے بصیرت اسی کے سرو سمانا میں لگا رہتا ہے ۔

اسی خطبہ کا ایک جز یہ ہے تمہیں جاننا چاہئے کہ ہر شے سے آدمی کبھی کبھی سیر ہو جاتا ہے اور اکتا جاتا ہے سوار زندگی کے وہ کبھی مرنے میں راحت نہیں محسوس کرتا اور یہ اس حکمت کی طرح ہے کہ جو قلب مردہ کے لیے حیات ، اندھی آنکھوں کے لیے بینائی بہرے کانوں کے لیے شنوائی ار تشنہ کام کے لیے سیرابی ہے ، اور اسی میںپورا پورا سامان کفایت و سروسامان حفاظت ہے ۔ یہ اللہ کی کتاب ہے کہ جس کے ذریعہ تمہیں سجھائی دیتا ہے اور تمہاری زبان میں گویائی آتی ہے اور (حق کی آواز ) سنتے ہو۔ اس کے کچھ حصے کچھ حصوں کی وضاحت کرتے ہیں اور بعض بعض کی صداقت کی) گواہی دیتے ہیں یہ ذات الٰہی کے متعلق الگ الگ نظریئے نہیں پیش کرتا اور نہ اپنے ساتھی کو اس کی راہ سے ہٹا کر کسی اور راہ پر لگا دیتا ہے ۔ (مگر) تم نے دلی کدورتوں اور گھورے پر اُگے ہوئے سبزہ کی خواہش پر ایکا کر لیا ہے ۔ امیدوں کی چاہت پر تو تم میں صلح صفائی ہے اور مال کے کمانے پر ایک دوسرے سے دشمنی رکھتے ہو تمہیں (شیطان ) خبیث نے بھٹکا دیا ہے اور فریبوں نے تمہیں بہکا رکھا ہے میرے اور تمہارے نفسوں کے مقابل میں اللہ ہی مدد گار ہے ۔