خطبہ ۸۶

اللہ نے زمانے کے کسی سرکش کی گردن نہیں توری جب تک کہ اسے مہلت و فراغت نہیں عطا کردی ، اور کسی امت کی ہڈی کو نہیں جوڑا جب تک اسے شدت و سختی اور ابتلاؤ اور آزمائش میں ڈال نہیں لیا جو مصیبتیں تمہیں پیش آنے والی اور جن سختیوں سے تم گزر چکے ہو ان سے کم بھی عبرت اندوزی کے لئے کافی ہیں۔ ہر صاحبِ دل عاقل نہیں ہوتا اور نہ ہر کان رکھنے والا گوش شنوا، اور نہ ہر آنکھ والا چشمِ بینا رکھتا ہے ۔ مجھے حیرت ہے اور کیوں نہ حیرت ہو، ان فرقوں کی خطاؤں پر جنہوں نے اپنے دین کی حجتوں میں اختلاف پیدا کر رکھے ہیں ۔ جو نہ نبی کے نقش قدم پر چلتے ہیں۔ نہ وصی کے عمل کی پیروی کرتے ہیں، نہ غیب پر ایمان لاتے ہیں، نہ عیب سے دامن بچاتے ہیں۔ مشکوک و مشتبہ چیزوں پر ان کا عمل ہے اور پانی خواہشوں کی راہ پر چلتے پھرتے ہیں۔ جس چیز کو وہ اچھا سمجھیں ان کے نزدیک بس وہ اچھی ہے اور جس بات کو وہ برا جانیں ان کے نزدیک بس وہ بری ہے ۔ مشکل گتھیوں کو سلجھانے کے لئے اپنی نفسوں پر اعتماد کر لیا ہے اور مشتبہ چیزوں میں اپنی رائے پر بھروسا کر لیتے ہیں۔ گویا ان میں سے ہر شخص خود ہی اپنا امام ہے ۔ اور اس نے جو اپنے مقام پر اپنی رائے سے طے کر لیا ہے ۔ اس کے متعلق یہ سمجھتا ہے کہ اسے قابل اطمینان و سیلوں اور مضبوط ذریعوں سے حاصل کیا ہے ۔